Fri | Aug 18, 2017

Poems

Published:Sunday | August 28, 2016 | 8:00 AM
Yona Knight Wisdom
1
2
3

 

Yona - Di 'Knight' wid Divin 'Wisdom'

 

Mi feel elated an excited, wen mi pree mi TV

Ana watch Yona Knight-Wisdom create historee

As di fuss male diver inna di 2016 Olympics in Rio Brazil

Bwoy wuz I overjoyed an thrill

Di fuss male divera represent wi likkle rock, wat a piece a historee

Sullivan wuz di fuss femalediver an dis a di

forty-four year anniversary

Wat a privilege an pleasha to hab Yona represent di rock

Mi happian glad dat 'im big up Jamrock

Yuh meck mi feel proud

All wen yuh step out pon di springboard

Yona, yuh dive inna wi heart an put up a fight

Dat is why yuh is Jamaica divin "Knight"

Mi sorry yuh neva get fi place inna di top 12 fi di meet

But dis yah diving sinting yah a nuh easy feat

Yuh haffi use "Wisdom" anuse yuh smarts

Yuh haffi dive straight, tuck, free, pike or do somersaults

Yuh compete in a wholeheapa championship an win a silver medal a di Diving World Cup

A yuh sey resilience, perseverance, Yona "Yuh naw"gi up

Yuh a Jamaica posta boy who meck divin an academic historee

As di fuss male who dive inna wi heart plus graduate wid u sport degree

- Sharon Wright