Yes massa many did believe Ninjaman woulda cum support Zebra wen him decide fi diss Baby Cham di odda day. But, Lo and behold, Ninjaman tek on Zebra's case and mi chile Zebra affi lock him mout like wen rat trap shet blap.
Baby Cham barred
Then, Massa wat a hottaclaps pon Baby Cham wen di gate man decide nuh fi let him in. So, Cham seh let mi in.
Gateman seh yu naw come in,mi nuh know yu from Adams. People seh bet if a did Eve gateman woulda let har in.
Keep your pants on!
People outa road a seh Mr. Lex nuh bother wid di Kelly bisniss. Do please pull up di pants for Jamaican man dem change lacka green lizard. Meck di gal dem drag it down demself Mr. Lex.
Vegas' browning
Who was dat lovely browning in Vegas's car. Dem seh she was so different. No horse-hair, no tuff foot-back, no cass-cass. Yes mi dear daddy must be proud of her.
Ottey's case
So di two ole man almost bruk fite Saturday right inna di middle square.
Yes mi chile a who tell dem fi seh Ottey get cold a fi go rest har ole foot.
Massa di man dem jump up like spring chicken ready fi drag taxi man outa car.
Massa unu woulda hear di story for taxi man a ole prison bud.
Cecile's story
My dear dat little something yu hear bout Cecile is not true. Massa she seh she too slow so she affi leggo. So, unu nuh bother labba unu mouth. People seh uno fi watch weh uno seh for she cum affa high tables with more than four legs.
Entertainer's confession
Wat a piece a confession, eh nuh done yet for plenty odda entertainer ave more confession fi mek. Yes mi chile like how dem hide off dem money and meck man mind dem. Yes mi chile, now money nuh ave nuh use to entertainer.
Mama's lips are sealed
Shabba madda is wrenching. Yes mi chile. She plan fi shet up. Naw seh noting bout Shabba for Montel hear seh people a use har fi find out Shabba business. Well if yu tink yu can call Shabba bredda yu goose cook for she set dem up to fi play mummy.
Call first
Browning so nuh look fi di entertainer for dog wi bite yu. Yes, bad dog deh a gate a wait fi sink him teeth inna yu foot. So call entertainer fuss for a di fuss time yu a go a him yard.
