So CeCile seh if har man a gi har bun she will not gi him back bun. Mi chile wen she seh dat people mout open like alligator. But, massa eh go so fi real for CeCile nuh waan nuh confrontation.
Nuff niceness
Lord mi chile Montel hear seh George Nooks is going to have one piece a nyamings eh nuh tap yah so. For mi chile all who wenna seh him nah get number one a wash out. But, massa dem seh money done for smaddy ded fi Nooks again. Yes mi chile.
Saba's expecting flood
People a ask a weh Saba style a dressing come from. For massa dem a see him inna some tight up sinting like him is riding west. Yes mi chile smaddy seh is either Saba expect flood or him go down inna barrel fi dat. Massa wen him breeze through studio people look but dem caan seh a ting for all dem hear a go through is 'Prosperity lard."
Duppy entertainer
Lord mi chile, if yu fraid a duppy yu caan siddown and chat bout it so. Well, entertainer weh ded di odda day, fren seh him cum back. A knock pon him door and a siddown pon him chair. Yes mi chile dis is no laughing matter for people seh dem see entertainer pon stage all a perform wen him shoulda deh a cemetery. The smaddy weh see him ave lock-jaw same time. Well mi Montel nuh believe inna dem deh rubbish as yu know entertainer did accept di Lord before him ded.
Sweet boy
Mi chile yu see di expensive hairstyle weh Stevie Face ave up. Massa many are saying it was done for Valentine. Yes massa is couple thousand dollars run fi dat deh style. Yes massa and fi know seh Stevie Face Valentine nuh deh a Jamaica. Whappen yu frighten, Montel hear seh is New York she deh well comfortable.
Hot stuff
Well, well so di mixup wid Boom Dandimite is truer dan wi believe. Yes mi chile for smaddy seh him really deh a farin but massa a wonder if him kip di rest a di bargain. Well some still waan hear from Bounty Killer.
Lusty fellow
People seh dem set him fi rape. Yes a so people a chat from long long time. Yes mi chile people seh smaddy fi him did find out, But massa weh fi do it gone bad aready. So massa wen yu see rape again nuh bother get frighten.
Who let the dogs out?
Den mi chile people still a chat seh Bling Dogg nuh stop bark hard. Yes mi chile dem seh while him a bark, Snatcher Dogg woulda like fi bark too, but him a look bone fi suck. But, massa wat a sinting a happen to people now-a-days. For Snatcher Dogg seh him waan fi bark too.
