So deejay form fool, manager get vex and teck weh him vehicle. But massa one call to the don and vehicle has been return. Mi chile dem sey is bad man run tings but a more dan that, a bad company.
Sorry can't cut it!
Lard mi chile, wat a disaster, Lady Saw deh a farin and mi chile while she a pray har van down inna gully bottom, kim popa-lick like it a do acrobatics. Yes mi chile Montel, hear seh some get bruk-up, some get bruise up. Massa Lady Saw inna bed right now. So nuh bother call har and worry har brains she caan teck di whole heap a sorry business for sorry caan fix back har lorry.
Big bucks scorching up the place
What is not this mi a hear. One million dollar fi bust deejay Errol Scorcher. Yes mi chile money is spending left, right and centre. Free T-shirt, free records and mi chile music a play twenty-four sevens. Well if all a dis nuh bust di deejay them somebody might affi go a KPH pon stretcher. For wen money done, a pure rockstone a bwile inna pot bottom.
Natural 'bangarang'
Wat a fight a gwane over Natural Black and massa him nuh ave whatever can it takes to make patty. Yes mi chile one piece a tug-a-war a teck place. People waan fi know if one a drag one hand, di odda drag di odder hand and somebody else a drag him foot, the entertainer nuh must lose him grounds.
Stinging politician
A which politician drape up couple Councillors, tell dem fi shet up or shub out. Massa all dem a mumble dem couldn't do a ting. Now Montel hear seh Councillor affi fren up politician for massa she come in like wasp and dem caan teck nuh more sting.
High-flying Hawk
So ungrateful pickney suck di least milk and craven calf draw down dem mumma breast. Yes mi chile, people a chat seh Hawkeye nuh fly near In Di Streetz again. Him nuh pitch down pon Murray curry chicken again. He has taken the wings of di morning and fly away. Yes mi chile, some people a point and a seh watch di hawk, di hawk a sky lark. For him better meck sure seh him wing nuh flop.
Watch the flex!
When di truth bruk out, he who have eyes will see the great revelation which comes to Zumjay, Elephant Man and Lexus. Mi chile it will be something to talk about, for those who live in glass house will no longer throw stones. And those who live in board house don't throw bricks.
Jilted lover bawls revenge
So one girlfriend has send di message straight to Montel that di wedding will not take place even if entertainer take di wings of the morning and fly to whereever. She is going to mash it up. Well, take heed entertainer, take heed. Plenty security guard deh bout waan little overtime money so yu better get dem a di church and di reception for yu know dem wi store up stale whatever and douse the wedding party. Oh yes it has happen before.
