Thu | Sep 23, 2021


Published:Sunday | April 14, 2019 | 12:00 AM

Higgler’s Cry


Mi spot di jeep!

Di police jeep!

All Higglers clear di scene

Everyday Babylon have wi

A sprint and jump

Like Delloreen


So wha wi fi do

When no work no deh

And dem close down all di factory?

Big Chrismus come

Dem a nyaam steak

While we deh pose

Wid patty


Mi big gyal deh go U.W.I

And is higglering sen har deh

Caa wi might be poor

But no really want

Wi yute fi tun prekeh

So officer go look some real criminal!

And stop harass di poor

Caa even doa, yu might call wi higgler

Wi a real Entrepreneur.


- Lisa Gaye Taylor